Ministri i Financave, Ervin Mete është paraqitur këtë të mërkurë në ambientet e Prokurorisë së Posaçme. Është ende e paqartë se për cilën dosje është pyetur nga prokurorët ministri i Financave.
Interesimit të gazetarëve se për çfarë arsye ishte në SPAK, Mete ka refuzuar t’i përgjigjet dhe menjëherë pas daljes së tij është drejtuar për nga makina që e priste jashtë dyerve të organit të akuzës.
Sipas “News24” ministri është pyetur në SPAK në lidhje me çështjen e inceneratorëve. Raportohet se marrja e tij në pyetje ka të bëjë me kohën kur ai shërbente si zëvendës ministër në Ministrinë e Ekonomisë kur kjo e fundit drejtohej nga Arben Ahmetaj.
