Policia e Lezhës ka goditur një rast tentative për trafikim të minave me telekomandë. Operacioni i koduar “The long way”, është finalizuar duke vënë në pranga dy të rinj vlonjatë, si dhe është shpallur në kërkim një i tretë, i dënuar edhe më parë. Atyre u janë gjetur tre mina të montuara me telekomandë të shpërthimit në distancë dhe 2,3 kilogramë marijuanë.
Të arrestuarit janë A.L, 23 vjeç dhe A.E, 21 vjeç ndërsa në kërkim është shpallur 27-vjeçari E.E., të tre banues në Vlorë. Pikërisht qyteti i Vlorës prej disa muajsh është përfshirë nga shpërthimet e makinave, ndaj arrestimi i këtyre shtetasve mund të ndihmojë në zbardhjen e ngjarjeve./Opinion.al
Lexo edhe: Vlora nën pushtetin e flakëve: Makina të djegura, por asnjë i arrestuar
