Pavarësisht se festa për pavarësinë dhe për çlirimin përfundon në dy ditë (28-29 nëntor), e gjithë administrata publike do të jetë pushim edhe ditën e hënë (30 nëntor). Në fakt në datën 1 prill të këtij viti qeveria Rama vendosi të rikthejë vendimin që ish-kryeministri Sali Berisha hoqi gjatë kohës së qeverisjes së djathtë.
Në 23 dhjetor të 2009-ës Berisha shfuqizoi rregullin e vendosur nga Fatos Nano, që nëse dita e festës është në fundjavë, pushimi shtyhet. Por sa kushton kjo ditë pushimi ekstra për arkën e shtetit? Sipas Buxhetit të Shtetit për vitin 2016, fondi total i pagave të administratës publike është 64.234.000.000 lek (gati 459 milionë euro) ndërkohë
që ditët e pushimit në një vit në Shqipëri janë 104 ditë (dy ditë përçdo javë) plus 14 ditë festa zyrtare. Duke llogaritur kështu që pa 118 ditë pushime, ditët e punës në një
vit kalendarik për administratën publike rezultojnë ne total 247 (365–118 = 247), del që një ditë pune e administratës publike mesatarisht i kushton shtetit 260.056.680 lekë te reja, që të konvertuara janë rreth 1.857.547 euro.
Pra për të lejuar që administrata të pushojë një ditë më shumë, duke respektuar sipas qeverisë Kodin e Punës, shteti harxhon mbi 260 milionë lekë të reja. Por a jemi të sigurt që në një kohë krize është një kosto realisht e nevojshme? Ja sa i kushton arkës së shtetit pushimi për festat zyrtare
Festat e Vitit të Ri (1 dhe 2 janar)
Dita e Verës
Dita e Nevruzit
Dita e Pashkës Katolike
Dita e Pashkës Ortodokse
Dita Ndërkombëtare e Punonjësve
Dita e Bajramit të Madh
Dita e Kurban Bajramit
Dita e Lumturimit të Nënë Terezës
Dita Flamurit dhe e Pavarësisë
Dita e Çlirimit
Dita Kombëtare e Rinisë
Krishtlindjet
Redaksia online
(S.m/shqiptarja.com)
