Milani ka marrë 3 pikët e radhës në Serie A teksa ka fituar 1-3 në transfertë ndaj Cagliarit edhe pse e nisi ndeshjen me shumë mungesa, madje dhe në disavantazh. Cagliari shënoi i pari që në minutën e 29 me anë të Luvumbo.
Megjithatë, kuqezinjtë arritën të reagojnë duke përmbysur gjithçka. Okafor barazoi rezultatin, ndërsa më pas shënuan edhe Tomori e Loftus-Cheek. Me këtë fitore, Milani i bashkohet Interit në krye të renditjes me 15 pikë, por zikaltrit do ta luajnë në mbrëmje ndeshjen e javës së gjashtë.
Ndërkohë, Empoli i shqiptarëve ka marrë fitoren e parë teksa ka mposhtur Salernitanën 1-0. Sulmuesi i Shpresave të Shqipërisë, Shpendi, ishte në formacion, ndërsa gjeti edhe rrugën e rrjetës, por goli u eliminua për pozicion jashtë loje.
Pikët e plota i mori edhe Atalanta e Gjimshitit, e cila fitoi minimalisht 0-1 në transfertë ndaj Veronas.
