Marko Gianpaolo ka njoftuar se nuk do ta grumbullojë 30-vjeçarin. Mungon ende zyrtarizmi, por, me shumë gjasa, Ivan Striniç do të jetë një lojtar i Milanit duke filluar që nga sezoni i ardhshëm.
As nga Sampdoria, klubi me të cilin kroati ka një kontratë deri në fund të sezonit, nuk ka konfirmime, por ndërkohë, në prag të sfidës me Milanin (të dielën 20:45), trajneri Marko Gianpaolo ka njoftuar se nuk do ta grumbullojë 30-vjeçarin.
Rolin e mbrojtësit do ta mbulojë Murru, i cili ka qenë titullar që pas daljes së lajmit për premtimin e Striniçit për t’iu bashkuar “Djallit” falas në fund të kampionatit aktual.
Burime brenda klubit gjenovez bëjnë të ditur se lëvizja e Striniçit për të mos rinovuar nuk është gëlltitur. Sampi do të humbë pa fituar asnjë euro një futbollist, të cilin e ndihmoi të konfirmohej pas sezoneve zhgënjyese me Napolin, ku në dy vite e pa fushën vetëm në 26 raste, e në shumicën e të cilave aktivizohej si zëvendësues për Ghoulam.
