Një numër i madh njerëzish kanë protestuar në Valencia kundër trajtimit të autoriteteve ndaj përmbytjeve vdekjeprurëse, duke kërkuar dorëheqjen e kreut rajonal Carlos Mazón.
Mediat spanjolle, thanë se 130,000 njerëz dolën në rrugë të shtunën me protestuesit duke brohoritur “ne jemi të lyer me baltë, ju jeni të njollosur me gjak”.
Më shumë se 200 njerëz vdiqën në përmbytjet, të cilat u shkaktuan nga shiu i rrëmbyeshëm që goditi Valencia dhe provincat fqinje në tetor. Tetëdhjetë persona janë ende të zhdukur.
Protestuesit kanë akuzuar autoritetet lokale për lëshimin e paralajmërimeve për përmbytjet në një kohë shumë të vonë.
Protestuesit e zemëruar u përleshën me policinë në fund të demonstratave.
Këshilli Bashkiak i Valencias dënoi “vandalizmin”, duke thënë se qyteti ishte prekur gjithashtu nga përmbytjet.
Javën e kaluar mbreti dhe mbretëresha e Spanjës u goditën me baltë dhe objekte të tjera nga protestuesit e zemëruar gjatë një vizite në qytetin e Paiporta, një nga më të prekurit.
Mijëra njerëz kanë humbur shtëpitë e tyre dhe rrugët në shumë zona janë ende të mbuluara me baltë dhe mbeturina.
Mazón, i Partisë Popullore konservatore, ka mbrojtur veprimet e tij. Ai thotë se zyrtarët e tij nuk morën paralajmërim të mjaftueshëm nga qeveria qendrore dhe shkalla e fatkeqësisë ishte e paparashikueshme./Opinion.al
