Kronikë

Mihasi u vra me 13 plumba, Dumani me 4/ Del ekspertiza e vrasjes në Astir


Bëhu pjesë e Grupit Zyrtar të Opinion.al
>> KËTU <<
               Publikuar në : 16:17 - 15/11/21 |
Opi Nion

Erigers Mihasi është vrarë me 13 plumba, një prej të cilëve e ka kapur në qafë dhe pjesa tjetër në shpinë, ndërsa miku i tij 26-vjeçar Armand Dumani ka marrë 4 plumba. Kjo është e dhëna paraprake që mësohet nga ekpsertiza mjeko-ligjore për atentatin me 2 viktima të së shtunës në kryeqytet.

Në drejtim të dy të rinjve është qëlluar me breshëri kallashnikovi, teksa burimet thanë se brenda në mjet u gjetën 7 gëzhoja e shumë të tjera u mblodhën në vendin e ngjarjes.

Hetuesit nuk kanë në dorë të dhëna konkrete për autorët e dyshuar të ngjarjes, por duke u nisur nga mënyra e ekzekutimit besojnë se çdo gjë ka qenë e përgatitur dhe ekzekutuesit të jenë paguar.

Burimet i konfirmuan Televizionit Klan se për të parë lëvizjet dhe përcaktuar kohën e ndjekjes së viktimave nga autorët është bërë sekuestrimi i shumë kamerava të sigurisë në zona ku nga dëshmitë rezultojnë të kenë udhëtuar të rinjtë.

Duke nisur nga Astiri, në Komunën e Parisit apo edhe në sheshin Nënë Tereza, por edhe segmente të tjera që pritet të analizohen nga hetuesit më qëllim gjetjen e të dhënave që do të ndihmojnë në zbardhjen e ngjarjes./ Tv Klan

Pas