Presidenti i Këshillit Evropian, Charles Michel, ka deklaruar se Bashkimi Europian e konsideron regjimin rus përgjegjës të vetëm për vdekjen tragjike të liderit të opozitës, Navalny në burg.
Përmes një postimi në rrjete sociale, Charles Michel shkruan se Navalny luftoi për vlerat e lirisë dhe të demokracisë dhe bëri sakrificën e fundit në shërbim të tyre.
“Aleksei Navalny luftoi për vlerat e lirisë dhe demokracisë. Për idealet e tij, ai bëri sakrificën e fundit. BE-ja e konsideron regjimin rus si përgjegjës të vetëm për këtë vdekje tragjike. I shpreh ngushëllimet më të thella familjes së tij. Dhe atyre që luftojnë për demokraci në mbarë botën në kushtet më të vështira. Luftëtarët vdesin. Por lufta për liri nuk mbaron kurrë”, shkruan Charles Michel./Opinion.al
