Artan Berisha i është drejtuar emisionit investigativ “Stop” pasi kërkon që të regjistrojë fëmijët e tij që kanë lindur në Suedi. Në vitin 2018, ai u njoh me Blerina Hanken nga Elbasani, e martuar dhe me 4 fëmijë.
i tha se ishte e ndarë sipas ligjit islam dhe kërkuan azil në Suedi, mirëpo para një viti periudha e azilit ju përfundoi dhe ata u detyruan që të ktheheshin në Shqipëri.
Ai tregon se kur janë kthyer në Shqipëri, bashkëjetuesja e tij e ka lënë dhe po ashtu i ka kërkuar që fëmijët e tyre t’i mbajë ai.
Denoncuesi: Dua t’i regjistroj 2 fëmijët e mi. Kanë lindur në Suedi. Në vitin 2018 u njoha me Blerina Hankan, e cila është banuese në Elbasan. Ajo ishte e martuar me 4 fëmijë.
Gazetarja: Me dikë tjetër ndërkohë që të njohu ty?
Denoncuesi: Po, nuk shkonte mirë me bashkëshortin e vet. Më shkruajti në Facebook ajo mua dhe më tha që “jam e kërcënuar” nga bashkëshorti i saj dhe më tha që “dua të jetoj me ty”. Duke e parë që ishte njeri shumë i sprovuar dhe mendova, thashë ta marr për shtëpi. Babai i saj më tha mua që “mund ta marrësh vajzën time, ajo nuk ka shkuar mirë me të dhe më tha të lutem dua të ma trajtosh mirë vajzën sepse ka kaluar shumë vështirësi në jetë”. E mora këtu, mami nuk ma pranonte këtu. Kam jetuar në shtëpi me qira. Domethënë kam kaluar shumë sakrifica. Patstaj mendova të shkoj në Suedi, pasi kam qenë në Suedi, kërkuam azil për mbrojtje duke qenë se i rrezikohej jeta asaj dhe mua.
Gazetarja: Erdhën në jetë 2 fëmijë…
Denoncuesi: Vajza 4 vjeç e gjysëm, Hafsa dhe djali 2 vjeç e gjysëm. Lindën atje në Suedi. Nga viti 2019 që qëndruam në Suedi dhe deri në 2023-shin. Në fillim të Janarit 2023, kemi ardhur në Shqipëri. Arsyeja është se azili përfundoi.
Gazetarja: Çfarë ndodhi pastaj me ardhjen tuaj në Shqipëri?
Denoncuesi: Pastaj ajo më la. Tha “nuk dua të jetoj me ty”. Arsye të kota.
Gazetarja: Dhe fëmijët t’i la ty?
Denoncuesi: Më erdhi tek dera e shtëpisë me këto 2 fëmijë dhe më tha “këto fëmijë do t’i mbash ti”.
Gazetarja: Siç ja kishte lënë ish-burrit të parë.
Denoncuesi: Po.
Gazetarja: Kush është problematika jote që na ka sjellë ne këtu?
Denoncuesi: Që këto 2 fëmijë dua t’i regjistroj patjetër për arsye se nuk kam kush të m’i mbajë fëmijët dhe dua t’i çoj në kopsht dhe në çerdhe sepse nuk kam asnjëlloj të ardhure. I kam letrat që fëmijët kanë lindur në Suedi. I dorëzova tek Njësia Bashkiake Numër 4. Njërin e kam me atësi dhe tjetrin… Domethënë, Musa, ky djali është pa atësi, por djali e ka mbiemrin tim tek letrat. Tek Njësia 4 më kanë thënë që duhet t’i çosh që t’i regjistrosh në Elbasan. Tani, aty hapin probleme se Blerina ka një gërmë që suedezi e ka ndryshuar dhe e ka pasur Qafa dhe e kanë bërë Qajo, tani ajo ka mbiemrin e babës, Hankja./ Tv Klan
