Fushata presidenciale në Shtetet e Bashkuara të Amerikës është ndërprerë për shkak të faktit se presidenti Trump u prek nga Covid 19. Ai u shtrua në qendrën “Walter Reed”, nga ku doli pas dy ditësh qëndrim, ndërkohë që në media mjekët e tij publikuan edhe trajtimin e përdorur për kurimin e presidentit.
Por në një lidhje në emisionin “Opinion”, mjeku Arian Mezini u shpreh se terapia e përdorur për presidentin Trump përdoret kryesisht tek pacientë me patologji të rënda.
“Ka një paqartësi shumë të madhe, që tek Trump është përdorur përzierja e antitrupave monoklonale, është përdorur deksametazoni që përdoret tek pacientët me simptomë të rëndë respiratore dhe Remdesiviri. Terapia është për pacientë me simptoma të rënda”, tha mjeku.
Lidhur me risqet e presidentit Trump nga Covid, mjeku tha se veç moshës disavantazh i tij është edhe mbipesha.
“Komplikacionet tek personat mbipeshe barazohen tek ata me diabet. Për të kuptuar riskun e pacientit, duhen disa analiza siç janë limfocitet periferike, hidrogjenaza”, tha mjeku./Opinion.al
