Kryebashkiaku i Tiranës, Erion Veliaj ka treguar se do të ketë një bashkëpunim me socialdemokratët gjermanë.
Në postim në rrjetin social “Twitter”, Veliaj ka shpërndarë postimin e ish-kryebashkiakut të Bremenit në Gjermani, Carsten Sieling i cili i është përgjigjur pozitivisht ftesës së tij për t’u bërë pjesë e aktivitetit “Forcimi i demokracisë. Parimet socialdemokratike për një qeverisje vendore efektive”.
“E majta progresive e Shqipërisë fitoi 55 nga 61 bashkitë. Si Kryetar i Unionit të Kryetarëve të Bashkive, mezi pres të nis rrugëtimin e tyre së bashku me miqtë tanë socialdemokrat gjermanë”, thotë Veliaj.
Ndërsa Sieling shprehet në postimin e tij në “Twitter” se do t’u paraqes kryebashkiakëve të sapo zgjedhur shqiptarë parimet e politikës socialdemokrate për qytetet dhe bashkitë.
