Pas disa muajve në seancë paraprake Gjykata e Posaçme pranoi kërkesën e SPAK për kalimin në gjykim të 7 të pandehurve të dosjes “Metamorfoza”.
Në listën e të akuzuarve të çështjes “Metamorfoza” janë edhe biznesmeni Pëllumb Gjoka, ish drejtori i Operacionales, Oltion Bistri dhe ish drejtuesi i Prokurorisë së Kukësit, Xhevahir Lita.
Gjatë shqyrtimit paraprak këta tre të pandehur kanë kërkuar edhe gjykim të shkurtuar, vendim për të cilin gjykata do të shprehet në seancën e parë të gjykimit në themel.
Tashmë çështja kalon në gjykim themeli për një sërë akuzash të rënda që referuar veprimeve hetimore të Spak dhe bisedave në Sky Ecc të pandehurit bashkëvepronin për krime të rënda të zbardhura nga drejtësia.
