Prej disa ditësh në kuadër të vizitave të zhvilluara jashtë vendit, Presidenti ILir Meta është takuar me shqiptarë të cilët jetojnë jashtë trojeve zyrtare. Pas takimit me shqiptarët e Kroacisë apo me ata të Maqedonisë, Meta është ndalur në Malin e Zi dhe Kosovë.
Së fundi ai ka patur një takim me nxënësit e shkollës 9-vjeçare në Dacaj të Rozhajës, ku mësimi zhvillohet në gjuhën shqipe.
Veç të tjerash, i pyetur nga fëmijët, Meta ka ndarë me nxënësit e kësaj shkolle edhe disa nga ëndrrat e tij kur ishte në moshën e tyre.
“Ëndrra ime më e madhe në moshën tuaj ka qenë të bëhesha mësues. E doja shumë këtë profesion fisnik dhe për faktin se të dy prindërit e mi kanë qenë mësues”, u shpreh Meta.
