Presidenti Ilir Meta, priti sot në një takim Ministrin e Punëve të Jashtme dhe Bashkëpunimit Ndërkombëtar të Republikës Italiane, Luigi Di Maio.
Përmes një postimi në rrjetet sociale, Meta thotë se i ka i ka shprehur mirënjohje ministrit Italinë për ndihmën që shteti i tij dha ndaj Shqipërisë për të përballur pasojat e tërmetit tragjik të 26 nëntorit.
Po ashtu, presidenti shkruan në postimin e tij se, Italia është një partnere strategjike, ndërsa thekson se marrëdhëniet duhet të forcohen edhe më tej.
Postimi i Metës
Kënaqësi të takoja sot Ministrin e Punëve të Jashtme dhe Bashkëpunimit Ndërkombëtar të Republikës Italiane, Sh.T.Z. Luigi Di Maio. Shpreha falënderimet dhe mirënjohjen e thellë për ndihmën e menjëhershme të dhënë nga Italia mike në operacionet e kërkim-shpëtimit pas tërmetit të 26 nëntorit 2019 që goditi vendin tonë. Asistenca italiane për rindërtimin dhe rehabilitimin e zonave të prekura është e mirëpritur! Partneriteti strategjik mes Shqipërisë dhe Italisë dhe marrëdhëniet e shkëlqyera e tradicionale mes dy popujve tanë, meritojnë të forcohen më tej, për një të ardhme më të ndritur! ?????/ Opinion.al
