Politikë

Meta takon kryeministrin italian: Të rrisim bashkëpunimin ekonomik


               Publikuar në : 18:28 - 15/10/19 |
Opi Nion

Kryeministrin i Italisë, Guiseppe Conte ka vizituar Shqipërinë ditën e sotme, ku u prit nga homologu i tij Edi Rama.

Pas konferencës për shtyp me Ramën, Conte ka zhvilluar një takim me presidentit Ilir Meta. Gjatë këtij takimi Meta dhe Conte kanë vlerësuar bashkëpunimin mes dy vendeve.

Presidenti Meta i ka shprehur mirënjohje për mbështetjen e Italisë për integrimin e Shqipërisë në Bashkimin Europian.

“Ndjekim me shumë vëmendje të gjithë debatin mbi vendimin që do të merret në Samitin e 17-18 tetorit për Shqipërinë dhe Maqedoninë e Veriut. Shpresojmë që qasja realiste e çeljes në parim të negociatave, për Shqipërinë dhe Maqedoninë e Veriut, të mbështetet nga të gjitha vendet anëtare”,-ka thënë Meta.

Meta ka thënë gjithashtu se mes dy vendeve ka ende shumë mundësi për të intensifikuar bashkëpunimin ekonomik dhe shkëmbimeve tregtare. Presidenti ka thënë se Shqipëria pret një prani më të madhe të investitorëve italianë në Shqipëri./ Opinion.al E.Xh.

Pas