Presidenti i Republikës, Ilir Meta ka zhvilluar një takim me Këshillin e Ambasadorëve Amerikanë dhe ka paralajmëruar vizitën e një përfaqësie të tyre në Shqipëri.
Në një postim në Facebook, Meta thotë se ka falënderuar KAA-në për kontributin e tyre në forcimin e lidhjeve të SHBA me Shqipërinë.
“Një takim i frytshëm me Këshillin e Ambasadorëve Amerikanë, në prag të vizitës së tyre në Shqipëri, Kosovë dhe Maqedoninë e Veriut. Vlerësoj rolin e tyre për forcimin e lidhjes sonë transatlantike, si një kontribut i shtuar për forcimin e mëtejshëm të marrëdhënieve të shkëlqyera shqiptaro-amerikane. Shqipëria beson në angazhimin e domosdoshëm të SHBA në Ballkanin Perëndimor, si faktor kyç për paqen, sigurinë dhe demokracinë”, shkruan Meta.
Këshilli i Ambasadorëve Amerikanë është një shoqatë e ambasadorëve të Shteteve të Bashkuara të cilët janë tërhequr nga detyra e tyre. Ajo përfshin mbi 200 anëtarë, shërbimi diplomatik i të cilëve shtrihet kolektivisht gjatë pesë dekadave dhe njëmbëdhjetë presidentëve të SHBA. Këshilli mbështet Departamentin e Shtetit dhe Shefat e tij të Misionit, sponsorizon bursa për të zhvilluar udhëheqës të rinj për karrierë në diplomacinë publike dhe çështjet ndërkombëtare, dhe zhvillon konferenca mbi temat aktuale ndërkombëtare. Këshilli mbledh diskutime të anëtarëve të tryezës së rrumbullakët me Ambasadorët në Shtetet e Bashkuara, organizon misione për gjetjen e fakteve jashtë shtetit dhe boton një ditar dy-vjeçar. /Opinion.al
