Kryeministri Edi Rama organizoi të hënën një mbledhje me ambasadorët e akredituar në Shqipëri, për të diskutuar në lidhje me dekretin e Presidentit Meta, për të anuluar datën e zgjedhjeve të 30 qershorit.
Takimi i djeshëm u bë me dyer të mbyllura dhe nuk u dhanë deklarata për mediat në lidhje me të. Por ditën e sotme ka dalë letra nëpërmjet të cilës kryeministri i është drejtuar ambasadorëve për ti njohur me arsyet e qëndrimit kundër dekretit të Presidentit. (LEXO LAJMIN KËTU)
Nisur nga kjo situatë kreu i shtetit, Ilir Meta ka dalë në një konferencë për mediat për të dhënë më shumë shpjegime pas vendimin që mori.
Kreu i shtetit ka këmbëngulur se vendimi i tij për të anuluar zgjedhjet është marrë me përgjegjshmëri të plotë, dhe se ka rrezik real për përshkallëzim të situatës ditën e zgjedhjeve, të dekretuar për herë të parë prej tij më 30 qershor.
Meta tha se ka modele kushtetuese të përkthyera gabim, edhe në gjuhë të ndryshme. Duke ju drejtuar në mënyrë indirekte ndërkobmëtarëve, që mund ta kenë lexuar gabim kushtetutën shqiptare nga përkthimet sipas tij jo të sakta, Meta ka cituar disa pjesë nga Kushtetuta.
“Me përgjegjësi të lartë në datën 8 qershor para zhvillimit të protestës bëra publik vendimin për shfuqizimin e dekretit të zgjedhjeve. Vendimi u mor me përgjegjësi të plotë nisur nga faktet dhe informacionet se në datë 8 qershor mund të kishte destabilitet për jetën e qytetarëve dhe rendin Kushtetues. Dje bëra të ditur argumentet. Që në momentin e shpalljes së vendimit kam vënë re për fat të keq disa reagime të ndryshme se Presidenti ka shkelur Kushtetutën duke krijuar qëllimisht një gjendje emullie. Duke e ditur fort mirë që në Tiranë qarkullojnë edhe disa modele të ndryshme të Kushtetutës edhe disa të përkthyera gabim. Jam i detyruar që të dal para jush për ata që kanë lexuar një tekst të lexuar keq. Ju bëj me dije se Kushtetuta zyrtare është kjo këtu që po iu tregoj unë. Kushtetuta që nga neni 1 dhe deri në fund nuk përcakton afatin kur zhvillon zgjedhjet, nuk thotë që zhvillon në datë 30 të këtij muaji apo tij, këto i ka Kodi Zgjedhor. Edhe partitë e dinë mirë sa e kanë respektuar. Në disa raste kanë ndryshuar jo Kodin por edhe Kushtetutën brenda një nate. Si shpjegohet se ish-presidentët që kanë shtyrë zgjedhjet nuk janë akuzuar se kanë shkelur Kushtetutën, por kanë bërë zgjedhjen më të mirë për vendin referuar rrethanave“, tha Presidenti./ Opinion.al
