Kancelarja Angela Merkel përsëriti këtë të hënë se Shqipërisë duhet t’i hapen negociatat me Bashkimin Europian, në takimin e ardhshëm të Këshillit të BE-së.
Këtë deklaratë kancelaria gjermane e bërë gjatë takimit me kryeministrin Edi Rama, ku u fol në lidhje me Konferencën e Donatorëve për dëmet e tërmetit që do të zhvillohet më 17 shkurt në Bruksel.
Ndërkohë, Presidenti Ilir Meta ka postuar në rrjetet sociale foton e Ramës gjatë takimit me Merkel, ku përshëndet angazhimin e kancelares për hapjen e negociatave. Po ashtu, Presidenti thekson se 9 kushtet e Bundestagut janë harta më e sigurt e rrugës europiane të Shqipërisë
“Përshëndes angazhimin e përsëritur të Kancelares Angela Merkel për çeljen e negociatave të anëtarësimit ndërmjet Shqipërisë dhe BE. Zbatimi i 9 kushteve të Bundestagut me rezultate të prekshme dhe të qëndrueshme, janë harta më e sigurt e rrugës europiane të Shqipërisë”-shkruan Meta.
Në konferencën e mbajtur se bashku me kryeministrin Rama, kancelarja gjermane e vuri theksin te reforma e drejtësisë dhe kërkoi që ajo të përmbyllet: “Reforma e drejtësisë është një gur themelor qëndror për të ardhmen e Shqipërisë” dhe premtoi angazhimin e saj për çeljen e negociatave. / Opinion.al
