Kryetarja e LSI, Monika Kryemadhi ka folur në emisionin “Opinion” për të ardhmen e saj politike.
E pyetur nëse do të vijojë të jetë në krye të LSI, Kryemadhi tha se do të vijojë të jetë pjesë e partisë, teksa theksoi se në krye të kësaj force politike do të qendroj derisa partia të jetë gati për t’u hapur.
Kryemadhi foli dhe për rikthimin e mundshëm të Ilir Metës në krye të LSI, duke thënë se është i vetmi që nuk ka bërë kurrë gabime politike.
“Nga LSI nuk largohem , do të jem pjesë e LSI, do të jem pjesë suportuese e një strukture që kanë krijuar të rinjtë e LSI dhe për ta çuar para. Deri në momentin që do të jetë LSI për të zgjedhur procein e hapjes së partisë. Nuk mendoj se duhet të hyjmë në histori. Meta është vetmi që nuk ka bërë asnjë gabim politik. Meta nuk ka thënë ndonjëherë për kryeministër. Ne me Vasilin, që nuk donte të ishte kryeministër mori 17 mandate, më shumë se kur thame të bëjmë Bashën kryeministër”,-tha Kryemadhi./Opinion.al
