Ilir Meta ka pranuar tu përgjigjet sot gazetarëve pas tensioneve në koalicion që çuan në shkarkimin e ministrit të Drejtësisë Ylli Manjani. Ai la të kuptuar se ka patur presione këto ditë, kur u pyet nga gazetarët për shkarkimin e Manjanit. Meta tha se do ti përmbahet marrëveshjes së 1 Prillit 2013 deri në fund. Ai për herë të parë foli për një koalicion të mundshëm PS-PD në zgjedhjet e qershorit të 2017-ës.
Pyetje Tv Klan: A ishit në dijeni të akuzave që bëri Manjani? Vendim për shkarkimin e tij ishte i Ilir Metës?
Ilir Meta: “Në 2008 -2009, kur dy kolegët e mi Rama dhe Berisha u bashkuan si asnjëherë tjetër për të bërë ndryshimet kushtetuese që në thelb kishin eleminin e LSI (aty duhet ta shohim të keqen edhe për mungesën e një reforme sot), Ilir Meta nuk u dorëzua para PS dhe PD së asokohe.
Ilir Meta për Manjanin: Lidhur me pyetjen tuaj, shkarkimin e ministrit, ka folur dy herë dje LSI-ja përmes Luan Ramës dhe Erisa Xhixhos. Them se duhet të hedhim sa më pak shashka sepse njerëzit janë të lodhur nga shashkat tona.
Çdo ministër apo ish-ministër që kanë fakte për implikimin e cilitdo pushtetari duhet të zgjedhë rrugën e drejtësisë. Nëse nuk ndjekim rrugën institucionale vendi do të shkojë edhe për 126 vite të tjera me fajësime e shfajësime pa përgjegjësi dhe llogaridhënie duke moskonsoliduar shtetin ligjor. Pra tymnaja nuk i bën mirë shteformimit.
Pyetje: A do të vazhdoni të qendroni në koalicion me Ramën?
Ilir Meta: Fryma e bashkëpunimit nuk është lajm për ju (mediat) dhe nuk mirëpritet as nga opozita. Nuk jam këtu për ti bërë jehonë çdo përfaqësuesi të LSI. Çdo parti ka problemet e veta, ka kundërshti.
Do tu jap një përgjigje shterruese për koalicionin. Cështja e koalicionit është përgjegjësi që buron nga detyrimi ynë parazgjedhor për votat qe kemi marr në qershor të 2013, për të bashkëqeverisur në bazë të një marrëveshje dhe platforme të firmos në Shkodrës (që ju i thoni marrëveshja e 1 Prillit). Kryetari i LSI i ka qendrar në germë dhe frymë kësaj marrëveshje. LSI ka reflektuar ndaj atyre anëtarëve që nuk i kanë qendruar marrëveshjes.
Meta për Henri Çilin: Edhe një merak tjetër që vjen nga Naimi i reformës në arsim (Henri Çili). Për Naimim dhe të gjithë zorrat ndaj LSI po ju them se ne nuk jemi parti klienteliste. Kështu nëse PD do të kishte në 2009 71 mandate ne nuk do hynim në koalicion. Nëse sot kryeministri Rama i ka 71 mandate në mënyrë legjitime, LSI del në opozitë. Por edhe nëse më 19 Qershor Edi Rama apo Lulzim Basha i bëjnë 71 mandate, LSI s’ka nevojë për të qenë shtojcë. Pra del në opozitë!
/Opiniona.l
