Kryetari i Kuvendit Ilir Meta i cili ndodhet në SHBA për inaugurimin e Trump ka takuar Kryetarin e Komisionit për Politikën e Jashtme në Kongresin Amerikan z. Ed Royce.
Zyra e shtypit pranë Kuvendit të Shqipërisë thotë se Meta theksoi rëndësinë e një partneriteti ndërmjet Shqipërisë dhe Shteteve të Bashkuara të Amerikës. “Shqipëria është e vendosur për të forcuar edhe më tej partneritetin e saj me SHBA-të. Shqipëria është dhe do të jetë aleate e vendosur e Shteteve të Bashkuara të Amerikës. Mbështetja amerikane në Ballkan është jetike për stabilitet dhe siguri”, mësohet të kenë thënë Meta.
“Nga ana e tij, Kryetari i Komisionit për Politikën e Jashtme në Kongresin Amerikan, z. Ed Royce ndau bindjen e përbashkët me z. Meta se aleanca solide SHBA-Shqipëri duhet forcuar më tej në përballje të sfidave të përbashkëta globale e rajonale”, thuhet në njoftimin e zyrës së shtypit që përcolli lajmin e këtij takimi.
