Paralajmërimin e presidentit Meta për shpërndarjen e qeverisë me dekret, kryeministri Rama e cilësoi si të lidhur me transformimin e një lëvizjeje qytetare në parti politike.
Meta tha se do të nxjerrë një dekret për shpërndarjen e qeverisë të cilën do ta cojë në zyrë me popullin shqiptar. Ai paralajmëroi çuarjen në burg të policëve të cilët i akuzoi për ushtrim dhune dhe theksoi se do të veprojë sipas vullnetit të popullit
Kryeministri Rama ironizoi deklaratën e Metës në një intervistë televizive dhe shtoi gjithashtu se kjo lidhet me formimin e një partie të re politike.
“Kjo është një frazë nga një shfaqje në Teatrin e vjetër, por nuk i gjej dot titull. Këtë frazë e kam dëgjuar në një shfaqje kur luheshin ato të realizimit socialist. Shumë shpejt do të shikoni një lëvizje qytetare që pak nga pak do të transformohet në një parti. Është e lidhur me gjithë këtë”, theksoi Rama. /Opinion.al
