Presidenti i zgjedhur Ilir Meta i është përgjigjur interesit të medias për marrëveshjen Rama-Basha, teksa dilte nga ‘Aba center’ ku pati një takim me Sali Berishën.
Ai theksoi se ende nuk është njohur zyrtarisht me këtë marrëveshje, megjithëatë nuk hezitoi ta përgëzojë. Po kështu u shpreh i kënaqur që ka takuar Berishën duke përsëritur se e ka dobësi…
Meta- gazetarëve: Çfarë meraku keni?
Gazetarët: Për marrëveshjen…
Meta: Jam i lumtur për këtë marrëveshje që e kam mësuar nga mediat mes Ramës dhe Bashës. Ka qenë ëndërra ime dhe kontributi im…Shpresojmë të bëhet publike sa më shpejt dhe ti shërbejë demokracisë dhe qytetarëve.
Gazetarët: Ju vjen keq që nuk ishit ju ndërmjetësi?
Unë nuk kam qenë negociator por kam qenë imponues i saj. Jo vetëm LSI, por dhe PDIU dhe gjithë partitë e tjera.
Gazetarët: Takimi me Berishën?
Berisha është dobësia ime në çdo kohë jam i gatshëm ta ndjej këtë kënaqësi për ta takuar.
