Shpëtim Shala 39-vjeçari nga Durrësi mund të jetë vrarë për shkak të një konflikti 6 ditë më parë si pasojë e një borxhi të pashlyer me një tjetër person.
Burime nga policia bëjnë me dije se është grumbulluar informacion se 5 ditë para vrasjes, Shala është konfliktuar fizikisht me një shtetas tjetër, i cili sipas të dhënave pretendonte se 39-vjeçari i kishte një shumë prej 10 mijë euro borxh , të marra disa kohë më parë në një prej vendeve të Bashkimit Europian.
Kjo është pista e kryesore e hetimit, ndërsa nuk janë lënë jashtë vëmëndjes dhe pista të tjera siç është ajo e prishjes së pazareve në fushën e narkotikëve, por për institucionet ligjzbatuese Shala nuk ishte person problematik , apo me tendenca kriminale.
Në polici janë shoqëruar 26 persona lidhur me vrasjen e biznesmenit Shala, një ditë më parë në lagjen 13 në Durrës , mes të shoqëruarve është dhe shtetasi i përfshirë në konflikt me Shalën para ngjarjes por deri në këto moment nuk është gjetur asnjë provë të implikuese.
Në vendin e ngjarjes u gjetën 15 copë gëzhoja pistolete automatike scorpions ose sharc me silenciator.
6 prej plubmave i kanë shkaktuar vdekjen 39-vjeçarit.
Në 17 Mars në vitit 2011 policia e Durrësit gjeti në bilardon në pronësi të Shalës një sasi kanabis sativa, ngjarje për të cilën Gjykata e Lartë e shpalli të pafajshëm me arsyetimin e mungesës së dijenisë nga ana e Shalës se kush mund ta ketë futur drogën Brenda. Për këtë rast u dënua me gjobë punonjësi i tij. /Tv Klan
