Ka një numër të madh ndryshimesh që pësojmë në trup dhe zgjedhim të injorojmë. Nëse përballemi me lëkurë të thatë shpesh ia vëmë fajin temperaturave dhe ajrit. Ndonjëherë humbjen e flokëve apo thonjtë e dobët ia atribuojmë stresit apo lidhjes, kur në fakt bëhet fjalë për gjëra tërësisht ndryshe. Për nga këto simptoma ndoshta është më mirë të knsultoheni me specialist përpara se të dilni në përfundime të gabuara. Prania e tyre mund të nënkuptojë probleme serioze me shëndetin. Më poshtë lexoni disa nga ndryshimet të cilat nuk duhet t’i injoroni:
Buzët e thara ose të plasaritura
Lëkura e thatë është një shenjë e qartë e një alergjie. Në këtë rast, kushtojini vëmendje kozmetikës që përdorni si dhe produkteve të higjienës orale. Edhe ushqimet që hani dhe ilaçet mund të jenë shkaktarë të mundshëm. Çarjet në skajet e gojës tregojnë mungesën e vitaminave B, A dhe E. Nëse keni edhe sy e gojë të thatë dhe probleme me sistemin tretës, shkoni patjeter tek një mjek. Ky mund të jetë një kombinim i simptomave specifike për një sëmundje autoimune të quajtur Sjögren Syndrome.
Rënia e vetullave
Ky mund të jetë gjithashtu një tregues i madh shëndetësor. Humbja periodike e vetullave është mjaft normale. Por nëse vëreni një humbje të tepruar, shfaqjen e njollave ose zhdukjen e plotë të vetullave, menjëherë kontaktoni një mjek. Kjo mund të lidhet me një nivel të tepërt ose të pamjaftueshëm të aktivitetit tiroides.
Thyerja e thonjve
Të gjithë e dimë si duhet të duken thonjtë e shëndetshëm. Çdo ndryshim në ngjyrën ose strukturën e tyre është një sinjal alarmant. Thonjtë e hollë dhe të zbehtë mund të jenë shenjë e anemisë dhe mungesë e hekurit në trup. Zverdhja mund të tregojë çrregullime të mëlçisë dhe traktit gastrik, ose një infeksion fungal. Pikat e bardha dhe vijat tregojnë mungesën e zinkut, bakrit dhe jodit. Thonjtë gjithashtu bëhen shumë të brishtë kur përballen me mungesën e vitaminave, kalciumit, hekurit dhe beta-karotenit në trup.
Skuqja e fytyrës
Nëse vjen nga ndryshimet fiziologjike natyrore si ndryshimet me temperaturën, masazhin ose konsumimin e alkoolit, është më se normale. Në të kundërt, ka tre arsye të përhapura se pse ndodh skuqja e fytyrës. Për gratë mbi 40 vjeç, kjo është për shkak të rëniës së nivelit të hormoneve që tregojnë fillimin e menopauzës. Një fytyrë e kuqe gjithashtu mund të tregojë praninë e infeksioneve që shkaktojnë demodikozë. Një skuqje e pjesshme që shoqërohet me marramendje mund të nënkuptojë luhatje tensioni. Kjo mund të normalizohet me ndihmën e ilaçeve të veçanta.
Rënia e flokëve
Mesatarisht, një person humb rreth 100 fije flokë në ditë. Kjo për shkak se folikulat e flokëve kalojnë faza të caktuara rritjeje që mund të zgjasë nga 2 deri në 8 vjet. Kur faza e rritjes është e gjatë, fillesat e flokëve bien dhe flokët e reja fillojnë të rriten pas një pushimi 2 mujor. Kjo do të thotë se në një moment në kohë, 80% – 90% e flokëve të një personi po rriten, ndërsa pjesa tjetër bie. Megjithatë, nëse keni vërejtur një humbje më të madhe të flokëve, më mirë të konsultoheni me mjekun. Ka një sërë sëmundjesh që mund të fshihen pas kësaj simptome. Ato mund të vijnë nga infeksione të lëkurës, çrregullime tiroideje, çrregullime autoimune, etj.
