Një burrë ka aplikuar për divorc zyrtar nga bashkëshortja dhe ish-mësuesja, e cila ishte burgosur për përdhunimin e tij kur ishte 12 vjeç.
Vili Fualaau, tanimë 33-vjeç, aplikoi për divorc në Gjykatën e Uashingtonit për t’i dhënë fund martesës së tij 12-vjeçare me Mary Kay Fualaau, 55-vjeçe.
Zonja Fualaau ishte 34-vjeçe dhe nënë e katër fëmijëve kur nisi marrëdhënien me Vilin, nxënës në klasën e gjashtë, në vitin 1996.
Ata të dy u martuan në vitin 2005 pasi gruaja kishte përfunduar dënimin me burg.
Nuk dihet ende arsyeja pse burri ka vendosur të divorcohet teksa media amerikane raporton çifti ka dy fëmijë.
“BBC” tha se mësuesja u arrestua në vitin 1997 kur ishte shtatzënë me fëmijën e tyre të parë, dhe më vonë pranoi krimin e marrëdhënieve me të mitur.
Dënimi i saj prej gjashtë muajsh burgim u ul në tre muaj me kushtin që të mos kishte asnjë lloj kontakti me ish-nxënësin e saj.
Por brenda pak javësh ata u kapën sërish bashkë, ç’ka bëri që mësuesja të dënohej me 7 vite burg, ku edhe lindi fëmijën e dytë nga Vili./tvklan.al
