Ka marrë fund arratia e Petrit Avdillarit, 27-vjeçarit nga Tirana, i cili dy ditë më parë plagosi me thikë kunatin e tij, Denis Ziu.
Kujtojmë se ngjarja ndodhi në Laprakë, teksa sipas policisë ngjarja ka ndodhur pas një konflikti për motive të dobëta.
Në ditën kur ndodhi ngjarja 29-vjeçari Ziu u dërgua në spital, ndërsa autori i dyshuar u largua nga vendi i ngjarjes, për t’u vënë në pranga këtë të shtunë.
“Zbardhet dhe dokumentohet ngjarja e ndodhur më datë 18.02.2021.
Plagosi me thikë kunatin e tij pas një konflikti të çastit, kapet dhe ndalohet 27-vjeçari.
Si rezultat i një punë të mirorganizuar dhe të pandërprerë për dokumentimin e ngjarjes së datës 18.02.2021 dhe kapjen e autorit, nga Komisariati i Policisë Nr.6, në bashkëpunim me Komisariatin e Policisë Nr.3, u bë e mundur kapja dhe ndalimi i autorit të dyshuar të kësaj ngjarjeje, shtetasi:
- A., 27 vjeç, banues në Tiranë.
Ky shtetas, më datë 18.02.2021, në Laprakë, pas një konflikti të çastit për motive të dobëta ka plagosur me thikë kunatin e tij shtetasin D. Z.
Materialet iu referuan Prokurorisë së Rrethit Gjyqësor Tiranë, për veprime të mëtejshme.”– thuhet në njoftimin e policisë./Opinion.al
