Kancelarja gjermane, Angela Merkel ka refuzuar ftesën e presidentit të Shteteve të Bashkuara të Amerikës, Donald Trump për të marrë pjesë në samitin e grupit të shtatë vendeve më të industrializuara (G7), në SHBA.
“Kancelarja federale falënderon presidentin Trump për ftesën e tij në Samitin e G7-ës në fund të muajit qershor në Uashington. Marrë parasysh situatën me pandeminë, ajo nuk është pajtuar për pjesëmarrje personale dhe udhëtim drejt Uashingtonit. Ajo natyrisht se do të vazhdojë të vëzhgojë zhvillimet rreth pandemisë”, ka thënë zëdhënësi i Qeverisë gjermane, Steffen Seibert.
Ndërkohë, Trump, tha se do të shtyjë Samitin G7 të planifikuar për këtë vit, me qëllim që të ftojë edhe liderët e shteteve tjera që nuk janë pjesë e G7-ës.
“Nuk mendoj se përfaqëson në mënyrë të duhur atë cfarë po ndodh në botë. Është një grup i vjetër i shteteve”, është shprehur Trump.
Grupi G7, i të cilit do të jetë në SHBA këtë vit, përbëhet nga Kanadaja, Franca, Gjermania, Italia, Japonia dhe Britania.
Trump tha se Rusia, Koreja e Jugut dhe Australia e India duhet të ftohen, ndërsa theksoi se do të shtyjë samitin deri në shtator, e që ishte planifikuar të mbahej në qershor.v Grupi G7 përbëhet nga shtatë shtetet më të industrializuara në botë./ Opinion.al
