Kancelarja gjermane Angela Merkel ka folur për integrimin e Shqipërisë në një konferencë të përbashkët me Kryeministrin e vendit Edi Rama pas një takimi që kanë zhvilluar sëbashku në Berlin, ku Rama ishte i ftuar nga kancelarja gjermane.
Ky takim vjen pas rekomandimit pozitiv që dha Komisioni Europian për hapjen e negociatave Shqipëri-BE dhe Angela Merkel foli për integrimin në terma të përgjitshëm, pa specifikuar konkretisht nëse Gjermania do të votojë pro hapjes së negociatave në Parlamentin Europian.
Në fillim ajo uroi gjithë shqiptarët për festën e Pavarësisë dhe më pas veçoi se “zbatimi i reformës në drejtësi dhe zhvillimi i zgjedhjeve të lira e të ndershme, duhet të jenë përparësi dhe për këto duhet guxim”.
Pjesë nga deklarata e Angela Merkel: Urimet me të përzemërta në këtë ditë feste për Shqipërinë. Shqipëria është bërë një aleatë e fortë e jona që kur u anëtarësua në NATO. Shqipëria ka ndërmarrë hapa të rëndësishme me reformat. Komisioni Europian që ndjek zhvillimet, në raportin e fundit ka vlerësuar këto zhvillime dhe për këtë e uroj kryeministrin Rama.
Gjermania është përpjekur ta mbështesë Shqipërinë, duke dërguar ekspertë e saj në misionin EURALIUS, për hartimin e reformës në drejtësi. E rëndësishmë është që kjo rrugë të vazhdojë, pra të zbatohen ligjet.
Komisioni Europian ka përmendur 5 prioritete; reforma në drejtësi, lufta kundër krimit dhe korrupsionit. Këto janë hapa të përhershme që duhen kryer. Duke patur parasysh zgjedhjet që ka Shqiperia së shpejti do të vihet në kontakt me OSBE-në.
Ai që i shikon zhvillimet në Shqipëri e di se kërkohet shumë forcë për ta ndjekur këtë rrugë dhe Gjermania do ta ndihmojë Shqipërinë, por se si do jetë kjo ndihmë do flasim herë tjetër më hollësisht.
