-U tha në Opinion

Megi Doçi: 600 gola vetëm në kampionatin shqiptar



Bëhu pjesë e Grupit Zyrtar të Opinion.al
>> KËTU <<
               Publikuar në : 22:23 - 29/12/22 |
Opi Nion

Futbollistja e Vllaznisë, Megi Doçi, e ftuar në “Opinion” në Tv Klan si një ndër personazhet e vitit 2022, rrëfen përvojën e saj në futbollin e femrave. Një pasion që i nisi prej fëmijërisë teksa ndiqte ndeshjet me të atin dhe që e bëri të linte një fshat të largët të Burrelit për të ardhur në Tiranë e të ndiqte zemrën.

Blendi Fevziu: Si reaguan prindërit kur i the që do luaj futboll?

Megi Doçi: Babi ka pasion futbollin dhe është i çmendur pas futbollit dhe ai ma  futi në zemër, ndërsa mami donte një vajzë që ta rregullonte me kaçurrela e fustan dhe ta dërgonte në shkollë.

Blendi Fevziu: Llogarit kur i vije ti nga stërvitja…

Megi Doçi: Jo, unë në fakt jam rritur në një fshat të Burrelit, shumë larg nga këtu, ishte shumë e vështirë që të luaja futboll. Shumë herë ziheshin babi me mamin sepse ajo s’kishte dëshirë sepse unë vritesha dhe gjithmonë që shkoja me babin për të parë ndeshjet, mundohesha që atë që shikoja në ndeshje, Cristiano Ronaldo-n, të nesërmen ta bëja. Është një pasion që u rrit shumë brenda meje. U detyrova që në moshën 12-vjeçare të lë fshatin dhe të vij në Tiranë që të ndjek ëndrrën time dhe pasionin tim.

Blendi Fevziu: Dhe deri tani ke bërë 600 gola? Ti fut edhe golat që ke  bërë te lagjja apo vetëm këto të karrierës se 600 gola!

Megi Doçi: Vetëm në kampionatin shqiptar janë 600 gola, pa golat e Kupës, pa golat e Champions League dhe pa golat e ekipit kombëtar.

Blendi Fevziu: Sa ke bërë total?

Megi Doçi: Të them të drejtën s’e di.

Doçi ka luajtur në stadiume të mëdha, kundër ekipeve të konsoliduara të Europës në futbollin e femrave dhe të financuara më së miri. Por futbolli i femrave në Shqipëri ka vetëm 13 vjet që zbret në fushën e blertë, ndërsa futbollistja golat e parë i ka shënuar livadheve.

Blendi Fevziu: Po ti ku ke filluar të luash? Te fusha në fshat, besoj.

Megi Doçi: Të them të drejtën, në livadhe kam filluar të luaj. Po ta shohësh, janë videot e mia në internet, kur kam lindur unë dhe ku kam mësuar të luaja futboll, që më tepër lodhesha duke marrë topin se sa duke luajtur futboll sepse më ikte topi.

Blendi Fevziu: Jepini një duartrokitje sepse kjo është një nga sakrificat e njerëzve për pasionet e tyre. Do vazhdosh të luash futboll?

Megi Doçi: Patjetër që po sepse është kënaqësi, është pasion i madh. Pasion i madh jo vetëm për mua, por për të gjithë shoqet e ekipit sepse të gjitha kanë pasur vështirësi nga familjet, nga mentaliteti sepse një femër nuk mund të luajë futboll dhe është e vështirë edhe prej financave sepse ne nuk kemi shumë mbështetje./tvklan.al

Pas