43 urdhër arreste janë lëshuar nga Gjykata e Posaçme Antikorrupsion, ndërsa SPAK po zhvillon operacion në disa qytete të vendit.
Operacionet po zhvillohen në Tiranë, Vlorë, Lezhë, Krujë dhe Shkodër, ndërsa po ushtrohen kontrolle edhe në banesa. Hetimet nisën pas transkriptimeve të bisedave përmes kodeve në aplikacioneve Sky ECC që këta persona përdornin me njëri-tjetrin.
Në shënjestrën e SPAK janë vënë persona të njohur të krimit në vend si Valter dhe Durim Bami, dy vëllezërit Leonard dhe Erlis Duka, Fatmir Hyseni alias Docja apo dy vëllezërit Astrit dhe Altin Avdylaj, pjesë e bandës së Shijakut.
Astrit Avdylaj, me nofkën “Niçja”, njihet si kreu i bandës së Shijakut dhe ndaj tij ka pasur akuza droge, vrasje, prostitucion, por edhe për lidhje të forta politike, së bashku me vëllanë e tij Altin Avdylaj. Ata ranë në pranga në tetor të vitit 2018 për operacionin “Vol-Vo 4” dhe u liruan dy vite më pas.
“Kokat” e krimit për të cilët janë lëshuar urdhër arreste nga GJKKO: Leonard Duka, Erlis Duka, Fatmir Hyseni alias Doçja, Albert Zaja, Valter Bami, Durim Bami, Astrit Avdylaj, Altin Avdylaj, Plaurent Dervishaj, Endrit Dokle dhe Xhevi Ndoka.
Ndërsa ende nuk ka një njoftim zyrtar mbi aksionin e SPAK, pasi operacioni po vijon.
