Nëntë persona kanë rënë në pranga falë një operacioni ndërkombëtar kundër pastrimit të parave të zhvilluar mes Europol, SPAK dhe BKH në Shqipërisë, DEA-s Amerikane, Gardës Civile Spanjolle dhe policisë në Belgjikë, Holandë dhe Bullgari.
Nga ky operacion janë sekuestruar 27 milionë eurove në kriptovaluta.
Në komunikatën zyrtare Europol bën me dije se veprimet hetimore ishin vazhdim i dy operacioneve të mëdha, “Gorgon” dhe “Whitewall”, me të parin që në Shqipëri çoi në muajin korrik në goditjen e klanit “Çopja” nga Elbasani, me bazë në Dubai dhe Belgjikë.
“Paratë u sekuestruan gjatë një kontrolli në një shtëpie në lidhje me një hetim për trafikun e kokainës. Disa prej kartëmonedhave prej pesë eurosh kishin mbishkrime të shkruara me dorë, të cilat jepnin informacion se kush po koordinonte dhe lehtësonte aspektin financiar të trafikut të drogës.
Garda civile spanjolle ia dorëzoi këtë informacion Europolit, i cili e kontrolloi atë me të dhënat e mbledhura në rastet EncroChat dhe Sky ECC. Si rezultat, i dyshuari u identifikua si një koordinator që ofronte shërbime bankare nëntokësore për një rrjet kriminal me bazë në Spanjën jugore, i cili nga ana tjetër ishte nën mbikëqyrjen e një rrjeti që operonte nga Dubai. I dyshuari, shtetas britanik, u arrestua më 12 shtator 2022.
Një hap tjetër i rëndësishëm në hetim ishte analizimi i të dhënave me shumë thellësi për të identifikuar individët në kontakt me të dyshuarin. Kjo përpjekje synonte të zbulonte rrjetin kriminal dhe të kuptonte rolet e anëtarëve të tij.
Duke u mbështetur në gjetjet nga dy hetime të mëdha, operacioni GORGON dhe operacioni WHITEWALL , ky operacion pasues përfshinte bashkëpunim të ngushtë midis ekspertëve të Europolit në krimin e rëndë dhe të organizuar dhe në hetimet financiare.
Ai çoi në arrestimin e 9 të dyshuarve dhe sekuestrimin e provave (dokumente, telefona celularë), sende me vlerë (ari, mallra luksi), 35 000 euro cash dhe 27 milionë euro kriptovaluta”, thuhet në njoftimin e Europol.
