FIFA ka njoftuar ditën e sotme dënimin e Xhakës, Shaqirit dhe Lichtsteiner me gjobë, por që kjo nuk i pengon lojtarët të luajnë në ndeshjen e radhës atë ndaj Kosta Rikës.
Qeveria e futbollit dënoi me 10 mijë franga Xhakën dhe Shaqirin për festimin me shqiponjë, ndërsa Lichtsteiner do të paguajë vetëm 5 mijë franga.
Gjithashtu edhe Federata e Futbollit të Serbisë është dënuar me 54 mijë për sjelljet e këqija të tifozëve gjatë takimit mes Zvirës dhe Serbisë dhe trajneri Milan Krstajic së bashku me kryetarin e Federatës së Futbollit të Serbisë, Slavis Kokeza, të cilët u dënuan secili me nga 10 mijë franga
Ndërkohë për këtë çështje kanë reaguar mediat serbe të cilat e kanë quajtur të turpshëm vendimin e Federatës Ndërkombëtare të Futbollit (FIFA).
“Turp. Më shumë dënohet Federata jonë se provokimet e Xhakës dhe Shaqirit. Kalojn sjelljet e këqija të tifozëve më lehtë zviceranët se ne”, ishin disa prej titujve të mediave serbe.
