Protesta e opozitës para godinës së Parlamentit, në orët e mbasdites së 26 shkurtit, e shoqëruar herë pas here me episode dhune dhe tensione u pasqyrua nga mediat ndërkombëtare. Ato i kanë kushtuar një hapësirë të gjerë protestës së një dite më parë, të thirrur me ngut nga opozita në Tiranë.
Prestigjozja “Associated Press” thekson në artikullin e saj se, “mbështetësit e opozitës së Shqipërisë hodhën flake dhe dogjën një gomë makine jashtë parlamentit të vendit të martën, në një përpjekje për të bllokuar ligjvënësit që hynë në ndërtesë mes thirrjeve për qeverinë që të largohet.”Në artikull theksohet fakti se Edi Rama kishte ikur nga Parlamenti por dhe se socialistët e zhvendosën datën e mbledhjes së Kuvendit në përpjekje për të shmangur përballjen me protestuesit.
“France 24” shkruan se policia shqiptare shpërndau protestuesit e opozitës me gaz lotsjellës, ndërsa qindra prej tyre u përpoqën të ndalojnë deputetët e majtë që të hynin në sallën e parlamentit. Lideri i opozitës Basha u shpreh se do të ktheheshin sërish dhe do të vazhdoheshin deri në rrëzimin e qeveerisë, raporton më tej media franceze.
“THE SEATLE TIME” raporton se opozita në Shqipëri vazhdon protestën kundër qeverisë së kryeministrit socialist Rama. Ajo shton se protestuesit kanë hedhur sende të forta drejt forcave të policisë si dhe kanë djegur goma para ndërtesës së parlamentit në përpjekje për të penguar depuettët socialistë që të hyjnë në sallë. Liderit e opozitës ndërkohë në fjalën e tyre të shkurtër i kërkuan dorëheqjen kryeministrit Rama duke premtuar se protestat do të vazhdojnë.
Ndërsa “INDIPENDENT BALKAN NEWS AGENCY” shkruan se kryeqyteti i Shqipërisë dhe një herë tjetër ishte skenë e protestave massive të organizuara nga opozita. Partia në pushtet vendosi të zhvillonte një seancë parlamentare duke u përpjekur të shmangë protestën e të enjtes të paralajmëruar nga opozita. Protestuesit e mbledhur para ndërtesës së parlamentit prisnin përfundimin e seancës, ndërsa kaosi, zjarri dhe gazi lotsjellës shoqëruan manifestimin./E.M
