Golat e pësuar nga Mançester Siti në Ligën e Kampionëve kanë hedhur hije dyshimi mbi forcën e Napolit në mbrojtje. “Gazzeta Dello Sport” shkruan se Hysaj me shokë duhet të jenë pak më të djallëzuar dhe më dinakë në momentin që mbulojnë kundërshtarët në goditjet standarde.
Pavarësisht faktit se u mungojnë centimetrat dhe në këtë aspekt vuajnë, lojtarët e Napolit tregohen më shumë “bujarë” me kundërshtarët duke mos i mbuluar rreptësisht në zonë.
“Skuadra e Sarrit nuk bën markim lojtarësh, por markim zonal në goditjet e këndit. Elseid Hysaj duhet të jetë më shumë dinak në duelet me kundërshtarët dhe të jetë më i ashpër në markimin e tyre, ndoshta duke përdorur edhe ndonjë hile të vogël. Napolit i mungojnë centimetrat dhe duhet të punojnë shumë në këtë aspekt”, shkruan gazeta italiane.
