Në rrjetet sociale po qarkullojnë histori të pabesueshme për të mbijetuarit nga tërmeti në Turqi dhe Siri.
Mediat turke kanë publikuar historinë e një vajze 6-vjeçare, e cila pasi u shpëtua tha se ishte ushqyer nga një burrë me mjekër të bardhë gjatë ditëve që qëndroi nën rrënoja.
Një gazetar turk e pyeti vogëlushen nëse ishte e uritur dhe ajo u përgjigj se kishte ngrënë.
Madje ajo deklaroi se burri e mbante shtëpinë në shpinë që të mos rrëzohej.
Një histori e pabesueshme, por ajo që bie në sy është fakti se vogëlushja u testua dhe rezultoi se trupi i saj kishte proteinat e duhura.
Kujtojmë se një tërmet me magnitudë 7.8 ballë, me epiqendër rreth 26 kilometra nga qyteti i Nurdagi dhe rreth 33 kilometra nga qyteti i Gaziantepit, ka goditur më 6 shkurt Turqinë juglindore dhe veriun e Sirisë.
Lëkundjet e forta u pasuan nga pasgoditje, duke përfshirë një me magnitudë 7.5 ballë të shkallës Rihter.
Tërmeti shkaktoi shembjen e qindra ndërtesave, duke vrarë më shumë se 37,000 njerëz.
Ekipet e emergjencës vazhdojnë punën për nxjerrjen e personave që ndodhen nën rrënoja./Opinion.al
