Dritan Backa, 26 vjeç nga Fieri tentoi ti shpëtojë policisë pasi me vete mbante edhe pistoletë pa leje. Sapo ka parë psotobllokun ai i ka dhënë gaz makinës, ndërsa efektivët i janë vënë pas.
Policia e Vlorës njofton se 26 vjeçari që qarkullonte me armë zjarri pa leje nëpër qytet u kontratua nga policia gjatë një postblloku në lagjen “Kushtrimi” ku udhëtonte me automjetin tip “Volkswagen Touareg” me targë AA 334 KP.
Sapo ka parë pikën e kontrollit të shërbimeve të policisë, 26-vjecari ka tentuar të largohej, por shërbimet i janë vënë në ndjekje në mënyrë të menjëhershme duke bërë të mundur kapjen e tij pranë tek “Ish-Fusha e Aviacionit”, lagjja “Kushtrimi” Vlorë.
Gjatë kontrollit që i është ushtruar, në çantën e krahut është gjetur dhe sekuestruar në cilësinë e provës materiale1 armë zjarri Pistoletë-Zastava, 2 krehëra dhe 22 fishekë (7 – të kalibrit 7.62 mm dhe 15 – të kalibrit 9 mm).
