Mbrëmjen e së mërkurës një automjet tip Mercedes Benz G-Class është gjetur i përmbysur në afërsi të sheshit “Shqiponja”. Policia kur mbërriti në vendngjarje nuk gjeti drejtuesin e mjetit.
Mësohet se një orë pas aksidentit, një person me emrin Eldin Dergjini, 34 vjeç është paraqitur në një spital privat për të marrë ndihmën e mjekëve.
“Kam qenë duke ecur me makinë me një shpejtësi normale. Me goditi nga pas një mjet tjetër. Humba kontrollin dhe u përplasa me një bordurë dhe makina ime u batua në rrugë. Nuk e pashë mjetin që më goditi. Pas aksidentit jam larguar në këmbë për pak metra dhe pastaj mora taksi dhe erdha në spital” tha pronari i automjetit të përmbysur në Laprakë.
Automjeti është me targa ruse. Ai është sjellë në Drejtorinë e Tiranës dhe i është nënshtruar një kontrolli të imtësishëm por nuk janë gjetur sende të paligjshme në të. Dergjini pretendon se makinën e ka sjellë nga jashtë vendit para 2 ditësh dhe nuk e ka pajisur ende me dokumentacion shqiptar.
Nga verifikimi ai rezulton se është person me precedent penal i arrestuar në Shqipëri për kundërshtim të punonjësit të rendit publik dhe në Itali për trafik narkotikësh. /Opinion.al
