Ish-kryetari i Partisë Demokratike të Kosovës, Kadri Veseli, është liruar përkohësisht nga ambjentet e paraburgimit në Hagë dhe është kthyer në Mitrovicë. Lajmi bëhet i ditur nga Klan Kosova që publikon edhe një video, ndërsa njofton se ish-drejtuesi i UCCK ka marr leje për vizituar babanë e tij i cili ndodhet në spital në gjendje të rëndë shëndetësore.
“Me t’u kthyer në Kosovë, Veseli ka vizituar spitalin e Mitrovicës “Dr.Sami Haxhibeqiri”, dhe po ruhet nga forca të shumta të sigurisë, përfshirë Policinë e Eulex-it, shkruan Klan Kosova, ndërsa më tej pohon se lajmi është konfirmuar edhe nga zëdhënësja e Dhomave të Specializuara, Angela Griep.
Sipas saj, gjyqtari i procedurës paraprake ka udhëzuar Zyrën e Regjistrimit që të menaxhojë një vizitë kujdestarie në Kosovë për të takuar familjen e ngushtë.
“Për shkak të arsyeve bindëse humanitare, gjyqtari i procedurës paraprake ka udhëzuar Zyrën e Regjistrimit që të menaxhojë një vizitë kujdestarie në Kosovë për të takuar familjen e ngushtë. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”.
