Kryesore

Lila shfaq mbështetjen ndaj Bashës: Sfida e vërtetë sapo ka nisur


Bëhu pjesë e Grupit Zyrtar të Opinion.al
>> KËTU <<
               Publikuar në : 19:00 - 02/05/21 |
Opi Nion

Edhe pas humbjes së zgjedhjeve të 25 Prillit, futbollisti Andi Lila ka vijuar të shfaqë mbështetjen për liderin demokrat Basha, veçanërisht në një moment kur zëra brenda të djathtës kanë kërkuar largimin e tij.

Përmes një publikimi në Instagram, Lila është shprehur i privilegjuar për angazhimin që PD i ka dhënë gjatë fushatës si Koordinator Kombëtar i Sportit, ndërsa e ka konsideruar si një mallkim atë që pritej të ishte dita e ndryshimi të madh. Megjithatë sipas Lilës sfida e vërtetë sapo ka nisur.

“U sollëm si europiane, por u shperblyem si në mesjetën barbare. Por, ne në tokë kurrë nuk ramë. Sfida e vërtetë sa ka nisur. Partia Demokratike, gjithë demokratët e bashkuar me z.Basha në krye, do ja dalim në përballjen me këta manipulatorë”, shkruan Lila.

Postimi i plotë

Me privilegjin që z.Basha dhe Partia Demokratike më dhanë si Koordinator Kombëtar i Sportit,

kudo ku shkuam, këdo që takuam, vetëm shkëlqimin e shpresës, të optimizmit, ndryshimit e perspektivës me sytë tona vështruam gjithkund. Por dita e ndryshimit të madh erdhi si një mallkim, shkaktuar nga manipulimi i pamatshëm, dhuna e bandave të ushqyera nga tregu zyrtar i hashashit, shtypja e presioni i administrates, makineria e oligarkëve furnizuar me paratë e siguruara prej taksave publike, policia e drejtësia në këmbë për të avokuar kriminelët. Ato i pushkatuan zgjedhjet e lira si askund në botë e askush në trojet shqiptare. Ato grabitën shpresën, të ardhmen e fëmijëve tanë. U sollëm si europiane, por u shperblyem si në mesjetën barbare. Por, ne në tokë kurrë nuk ramë. Sfida e vërtetë sa ka nisur. Partia Demokratike, gjithë demokratët e bashkuar me z.Basha në krye, do ja dalim në përballjen me këta manipulatorë. Ne do ju mbështetim, sepse uragani popull tashmë nuk do ndalet, së bashku do i prijmë.

Ne jemi këtu,do të jemi këtu,në mbrojtje të demokracisë, sepse ne jemi shqiptarë dhe veç gjuhën amtare flasim.

Pas