Policia ka goditur një rast të prodhimit dhe shitjes së kanabisit në Krujë
“Specialistët për Hetimin e Krimeve në Komisariatin e Policisë Krujë, nën drejtimin e Prokurorisë së Rrethit Gjyqësor Krujë dhe në bashkëpunim me shërbimet e DVP Durrës e F.L.O, finalizuan me sukses operacionin policor të koduar “NOJA 3”.” njofton policia.
Si rezultat i këtij operacioni policia ka sekuestruar 26 kilogram kanabis dhe ka arrestuar pronarin e saj B. M., 44 vjeç, banues në fshatin Nojë, Krujë.
Materialet i kaluan Prokurorisë së Rrethit Gjyqësor Krujë, për veprën penale “Prodhimi dhe shitja e lëndëve narkotike”. /Opinion.al
