Drejtoria e Përgjithshme Detare vendosi të pezullojë lundrimin e mjeteve ujore në Velipojë.
Ende nuk dihet sa do të zgjasë ky pezullim, por ai u mor pas ngjarjes së rëndë në Velipojë ku 17 vjeçarja, Enisa Doda, u gjet e pajetë në bregdetin e Velipojës.
Në lidhje me ngjarjen, policia ka arrestuar një 24-vjeçar, i cili akuzohet se ka fshehur ngjarjen. Mësohet se dy të rinjtë kanë qenë bashkë duke udhëtuar me motoskaf dhe vajza ka rënë në ujë.
Djali është larguar nga vendi i ngjarjes dhe nuk ka treguar asgjë për këtë fakt. Sipas pretendimit të Bajraktarit, vajza ka rrëshkitur nga skafi dhe është mbytur në det. Por ai shton se më pas nuk mban mend se çfarë ka ndodhur./Opinion.al
