Pika kufitare e Kakavisë do të mbetet e hapur për udhëtimin drejt Greqisë, njofton Ministria për Evropën dhe Punët e Jashtme.
Më herët, qeveria greke njoftoi se duke nisur nga dita e nesërme, qytetarët shqiptarë nuk do të mund të udhëtojnë përmes pikës kufitare të Kapshticës për shkuar në Greqi.
Megjithatë pika kufitare e Kakavisë do të qëndrojë e hapur. Në lidhje me kufijtë e tjerë veriorë të vendit, do të mbeten të hapura pikat kufitare në Evzonoi dhe Promachona, ndërsa në Nimfea do të hyjnë vetëm kamionat.
“Më tej, qytetarët që hyjnë në Greqi, përveç paraqitjes së testit negativ PCR të kryer deri në 72 orë më parë, do të kryejnë edhe rapid test nga Njësi të Sekretariatit të Përgjithshëm të Mbrojtjes Civile dhe Organizatës Kombëtare të Shëndetit Publik të Greqisë. Personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.”, njofton ministria e Jashtme.
Ky vendim vlen vetëm për kufijtë tokësorë, të lartpërmendur, ndërkohë që kufijtë ajrore mbeten të hapur./ Opinion.al
