Rajoni

Pacolli i kërkon Ramës një fushatë diplomatike kundër krimeve të Serbisë


Bëhu pjesë e Grupit Zyrtar të Opinion.al
>> KËTU <<
               Publikuar në : 16:40 - 19/11/20 |
Opi Nion

Kryetari i Aleancës “Kosova e Re”, Behgjet Pacolli, i ka drejtuar një letër publike kryeministrit të Shqipërisë, Edi Rama, lidhur me raportin e Dick Marty.

Në letër, Pacolli i kërkon kryeministrit Rama të kundërshtojë në mënyrë diplomatike raportin e Dick Marty dhe së bashku me Republikën e Kosovës të udhëheqin një fushatë informuese dhe diplomatike rreth mosndëshkueshmërisë të krimeve të luftës, që Serbia ka kryer në Kosovë.

Nëpërmjet një letre, i kam kërkuar kryeministrit të Shqipërisë Edi Rama të drejtojë një përpjekje të gjerë kombëtare për të kundërshtuar në mënyrë diplomatike raportin Dick Marty dhe së bashku Republika e Kosovës dhe Republika e Shqipërisë të udhëheqin një fushatë informuese dhe diplomatike rreth mosndëshkueshmërisë së thellë të krimeve të luftës që Serbia ka kryer në Kosovë” shkruan Pacolli.

Sipas tij, raporti i Dick Martyt është rezultat i një fushate politike të sponsorizuar nga Rusia dhe Serbia për të sulmuar pavarësinë e Kosovës, ndërsa thekson se tashmë duhen veprime diplomatike të drejtuara nga Shqipëria, që do të kundërshtonin raportin e Dick Martyit në Këshillin e Evropës, por gjithashtu do të adresonin kërkesat për hetimin e krimeve të luftës që Serbia ka kryer në Kosovë.

Dick Marty ishte rezultat i një dezinformimi dhe fushate politike të sponsorizuar nga Rusia dhe Serbia për të sulmuar pavarësinë e Kosovës dhe UÇK-në. Aktakuza kundër Presidentit Thaçi dhe të tjerëve nuk kishte përfshirë ndonjë pjesë nga raporti i Dick Marty, kështu që ky raport përmes një institucioni gjyqësor është hedhur poshtë dhe kjo tregon se raporti ka qenë vetëm një mjet politik nga Rusia dhe Serbia për të sulmuar Kosovën. Kjo kërkon një sfidim nga brenda Këshillit të Evropës (aty ku Shqipëria është anëtare) nga ku ka dalë raporti i Dick Martyt. Na duhen veprime diplomatike të drejtuara nga Shqipëria, që do të kundërshtonin raportin e trilluar të Dick Marty në Këshillin e Evropës, por gjithashtu do të adresonin kërkesat për hetimin e krimeve të luftës që Serbia ka kryer në Kosovë, më e rëndësishmja fshehja e trupave të personave të zhdukur. Kombi ynë, historia jonë dhe lufta jonë për çlirim dhe pavarësi është nën sulm. Së bashku dhe të unifikuar duhet të përgjigjemi” shprehet Pacolli.

Në përfundim të letrës Pacolli shkruan se drejtësia në Hagë po tradhton popullin e Kosovës, ndërsa thekson se ne nuk mund ta pranojmë këtë.

“Ne nuk mund të pranojmë që një Gjykatë e krijuar nga Kuvendi i Kosovës të ofroj amnisti krimeve të luftës që Serbia ka kryer në Kosovë dhe për të ndryshuar rrëfimin historik të vendit tonë sipas gjuhës e mendësisë së prokurorëve serbë. Ne kemi krijuar institucionet që duhet të merren me drejtësinë, por drejtësia në Hagë po tradhton popullin e Kosovës, po përpiqet të japë amnistinë e krimeve serbe të luftës në Kosovë dhe po ndryshon pozicionin e viktimës me agresor. Ne nuk mund ta tolerojmë këtë. Ne duhet të veprojmë”, shkruan Pacolli./ Opinion.al

Pas