Kryeministri Rama ka reaguar pas vendimit të grave naftëtare për të mbyllur grevën dhe për të negociuar.
“Lajm shumë i mirë mbyllja e grevës në Ballsh! Më vjen keq për kaq shumë ditë mundim të panevojshëm, përderisa jo vetëm kemi qenë plotësisht të ndjeshëm ndaj hallit tuaj, po edhe të gatshëm ta qajmë hallin së bashku! Tani caktoni përfaqësinë dhe nesër do të jem vetë aty me ju”, shkruan Rama në Tuiter.
Në ditën e 25-të të grevës, naftëtaret i janë përgjigjur thirrjes së Kryeministrit për të dalë nga greva e për të biseduar.
Megjithatë ato janë shprehur se nëse edhe pas dialogut kërkesat e tyre nuk do të plotësohen, do të rikthehen sërish në grevë.
“Unë e kam kërkuar zgjidhjen tek Kryeministri, ai është i madhi. Sakrifikova t’u coj bukë fëmijëve. Atë po kërkojmë. Të vijnë nga qeveria të bisedojmë, të dialogojmë. Nuk po i kërkoj njeriu lëmoshë, por këkroj djersën time”, tha Dhurata, njëra prej naftëtareve./Opinion.al
