Ora 19:00 ka shënuar edhe mbylljen zyrtare të procesit zgjedhor në Shqipëri.
Komisioneri Shtetëror i Zgjedhjeve tha në një dalje se tashmë zyrtarisht procesi zgjedhor konsiderohet i mbyllur, ndërsa pohoi se vetëm në qendrat ku ka ende votues, do të vijojë procesi.
Celibashi tha se ky proces u karakterizua nga qetësia dhe siguria si proces, duke e konsideruar në përputhje me parashikimet e kodit zgjedhor.
Celibashi tha se ka patur një tension të lartë në KQZ, lidhur me procesin e identifikimit elektronik. “Ishte një proces shumë i vështirë dhe u realizua në një kohëmjaft të shkurtër. Nuk ka një rast të dytë në dijeninë time përsa i përket kohës dhe vështirësisë së këtij procesi”, u shpreh Celibashi.
Ai tha se në pothuaj 200 qendra pajisja identifikuese nuk është përdorur.
Lidhur me procesin e numërimit, Celibashi tha se KQZ ka marrë të gjitha masat që ky proces të përfundojë brenda 48 orësh.
“ Gjithë procesi i numërimit do të jetë i vëzghuar dhe i monitoruar. Nga pikëpamja teknike gjithashtu do të jetë i monitoruar dhe vëzghuar. Të gjitha regjistrimet që lidhen me këtë proces do t’ju jepen subjekteve, pasi të dalë rezultati për partitë politike dhe koalicionet. Kodi Zgjedhor i jep të drejtën e verifikimit edhe pas shpalljes së rezultatit të zgjedhjeve”, tha Celibashi./Opinion.al
