“Mbreti” shqiptar i drogës Klodjan Copja është shqiptari i parë i dënuar në Angli që do të ekstradohet në Shqipëri, si pjesë e marrëveshjes së shkëmbimit të të burgosurve.
Mësohet se 36-vjeçari do vijojë burgimin prej 17 vitesh të mbetura në Shqipëri. Ai u arrestua në Greqi në mars të vitit 2017, për t’u ekstraduar drejt Mbretërisë së Bashkuar ku dhe u burgos si pjesë një rrjet trafikimi kokaine në Londër.
Sipas mediave britanike, Çopja akuzohej për importimin e një sasie kokaine me vlerë 60 milionë paund drejt Mbretërisë së Bashkuar.
Hetuesit thonë se paratë e drogës investoheshin në Elbasan prandaj në shkurt 2020 OFL nisi verifikimin e pasurisë duke i kërkuar të verifikonte burimin e të ardhurave.
