Pedagogu shqiptar i drejtësisë në Universitetin “College of London”, Andi Hoxhaj është nderuar me titullin “OBE- Oficer i Urdhrit të Perandorisë Britanike” nga Mbreti i Anglisë Charles.
Andi Hoxhaj shprehet se është një nder i madh që mbreti Charles e vlerësoi me titullin “OBE”.
“Gjatë gjithë jetës sime, kam pasur fatin të takoj shumë njerëz që më kanë mbështetur gjatë rrugës time dhe ju jam mirënjohës të gjithëve. Jam vërtet i nderuar që më jepet një OBE nga Madhëria e Tij Mbreti Charles”, u shpreh pedagogu shqiptar.
Ndërkohë Alastair King- Smith, ambasador i Mbretërisë së Bashkuar në Tiranë thotë se “është fantastike të shikosh Dr. Hoxhën të nderohet me titullin “OBE”.
Ambasadori thekson më tej se ky nderim i është dhënë për “shërbime në marrëdhëniet mes Anglisë dhe Shqipërisë”.
“Tejet i gëzuar që puna e madhe në promovimin e partnershipit të universiteteve britanike dhe lidhja mes Britanisë së Madhe dhe Shqipërisë vlerësohet”./Opinion.al
