Mbretëresha e Anglisë ka pranuar kërkesën e bërë nga kryeministri Boris Johnson, për pezullimin e parlamentit Britani deri më 14 tetor.
Parlamenti u pezullua vetëm disa ditë para se deputetët të ktheheshin në punë në shtator dhe vetëm disa javë përpara afatit të Brexit. Kjo do të thotë se koha që deputetët kanë në dispozicion për të miratuar ligje për ndalimin e daljes së vendit nga BE pa marrëveshje të Brexit më 31 tetor do të shkurtohet.
Kryetari i Dhomës së Komuneve, John Bercow e cilësoi si “një absurditet kushtetues” veprimin e kryeministrit dhe tha se qëllimi i qartë i kësaj mase është “të ndalet debati në Parlament në prag të Brexitit dhe të pengohet puna e legjislativit në detyrën e tij për t’i dhënë formë kursit të vendit”.
Më herët Johnson është shprehur se; “Na duhet që të përqëndrohemi në përparësitë kryesore politike dhe publike. Duhet të luftojmë krimin e dhunshëm, të investojmë në infrastrukturë dhe shkencë dhe të zvogëlojmë koston e jetës”. / Opinion.al e.Xh.
