Partia Demokratike ka mbledhur pasditen e sotme Kryesinë e saj, ku pritet të vendoset data e zhvillimit të mbledhjes së Këshillit Kombëtar të kësaj partie.
Kreu i PD-së, Lulzim Basha ka deklaruar se pikëpamjet tij janë bërë publike dhe çdokush që shpreh dëshirën për të kontribuar do të ketë hapësirën e plotë për të kontribuar në proces, i papenguar nga asnjë pengesë, qoftë kjo edhe statutore.
Basha më tej shtoi se duhet:
-të paraqitet për vendimmarrje çdo kontribut për fuqizimin e PD
-të caktojë kohë të mjaftueshme që propozimet të shqyrtohen
-të ngrihet një grup proaktiv që për një periudhë dyjavore të mundësojë kontakt direkt me ata që dëshirojnë të kontribuojnë.
-t’i shqyrtojmë propozimet bashkë me sekretariatin ligjor dhe te kemi nje vendimarrje.
Ky grup pune të përbëhet nga nenkryetaret Paloka, Spaho, sekretari pergjithshem, Ristani, sekretaret Bozdo, Kadilli, anetaret e kryesise Malko e Imami,”.
Basha u ka bërë thirrje zërave kritikë që të marrin pjesë në këtë mbledhje.
Në selinë e PD-së është parë duke hyrë edhe një nga zërat më të fortë kritikë të kryetarit Basha, Arben Imami.
Mbledhja e kryesisë zhvillohet pas përfundimit të analizës së degëve të PD-së, që do t’i hapë rrugë mbledhjes së Kuvendit Kombëtar.
Gjithashtu anëtarët e Kryesisë janë drejt fundit të mandatit, pritet riorganizim edhe në degët e tjera të PD.
Pak ditë më parë, Basha tha se në pranverë PD do të mbledhë Kuvendin Kombëtar, nga ku do të nisë fazën për riorganizimin e saj.
